Kitab Songgolangit 1 - 39

 
1a. 
Corong pabrik kebul kebul

Wernone ireng tanpo sinyaring

Yen kahanan tanah amburadul

Paman tani tangise melengking

1b.

Mas picis rojo brono

Urip sepisan ojo sembrono

Nelayan tanpo doyo

Iwak laut mati tuwo

           2. 
             Wit krambil katah migunani

                  Anak bajang angon gudel

                  Ojo ngandalke monco nagari

                  Kasile pabrik kedah dikendel

                  3. 

                 Godhong jati digawe bungkus

            Kayu jati larang regane

            Tanah subur ilang amergo rakus

            Sebab podo males poro petanine

4. 
Kembang jambe digawe jamu

Sanak kadang ojo njur padu

Donyo brono kudu di angsu

Ojo lali marang anak putu

            5. 
Pentil timun digawe tandur

            Tandur ning jero botol akeh bathi-ne

            Yen arep rejo kudu kondur

             Kondur nagari poro ahli-ne

6. 
Woh kluwek sirno ing jati

Wong ireng digondol wewe

Bejo ciloko kudu digati

Bathi rugi  ojo ditanggung dewe

7. 
Nggagas camilan ono ing pongge

Wit witan tukul sarwo tinandur

Kuli panggul murah upahe

Ajining bongso ono ing batur

8. 
Arum manis legine nongko

Manungso edan seneng beboyo

Otot kuli dudu wojo

Enggal mandego sawentoro

9. 
Anak kucing nyaring swarane

Kucing gering kurang pangane

Yen kuli podo makmur sandang pangane

Biso kasebut joyo negarane

10.
Lapak cilik cupet ing bondo

Aran bihal separo jarane

Yen kuli rejo ing rogo

Mugi lancar usahane

11.
Nyikso kewan ngingu duso

Sungu kidang dirego piro

Purna siswo ora gelem soro

Ning pengen cepet urip mulyo

12.
Nyepak-nyundang solahe sapi

Negoro rejo kakean pari

Ngunjuk tetesing kringet poro kuli

Yen upah dibayar ora ngungkuli

13.
Kucing kebak tikus mati

Dudu tikus ojo ngrikiti

Upah kuli dirego setali

Suwe mundak banjur lali

14. 
Kyai Semar golek bondo

Petruk keplayu ing goro goro

Ojo seneng nggege mongso

Wadyo bolo kudu disopo

15. 
Tanduran subur amergo wiji

Mlungkeri driji arane ali-ali

Uripe soro kudu gemati

Yen duwe bondo kudu ati-ati

16.
Yen manungso urip gumuyu

Asu kucing podo semanak

Sirah mumet ra biso turu

Amergo urip kakean anak

17. 
Ojo nguyahi banyu segoro

Segoro kidul kakean racun

Yen pengen urip mulyo

Ojo ngenteni tetesing embun

18. 
Manuk prenjak ngoceh ing jagan

Welas asih marang sapodo-podo

Urip sengsoro kurang pangan

Amergo dunyo kakean menungso

19. 
Ojo urip nyandang kesumad

Luwih becik nyandang pacul

Amuk banyu bakal ing jagad

Amergo bumi rupane gundul

20. 
Kembang kenongo arum gandane

Manuk perkutut gawe pepirengan

Wis kebak sandang pangane

Marang wong cilik ora kelingan

21.
Tambak bandeng nggowo wayah

Wayah panen akeh rejekine

Kahanan bumi wis owah

Owah soko keseimbangan awale

22. 
Rupo ledhek podo ting clemong

Golek dhuwit kanggo mbandani

Bumi-ne tuwo kudu diemong

Nandur wit witan akeh migunani

23. 
Ki Ageng  nyancang bledheg

Bledheg nyamber golek nyowo

Pil setan gawe gedheg

Awak rusak ojo diterusno

24.  
 Gumuyu dolan ing joganan

Ora pareng tukar paduan

Wetenge ngeleh ora ono panganan

Beras raskin gawe jaganan

25. 
Merak ati nandang mulya

Ati lara digowo nelongso

Banyu resik rawat salira

Raga sehat rejeki teko

26. 
Amung siji cacahe pratala

Urip sedelo ojo digawe ruwet

Nandang mulya ngeleluri jenggala

Hawa-ne resik uripe awet

27. 
Suguh kembang njogo katresnan

Kembang setaman sumebyar ing kuburan

Ayo konco podo njogo kahanan

Tentrem ayem nggowo kemakmuran

28. 
Menyang sawah nyandang arit

Awak sehat dahar mina

Bengawan kotor nggowo penyakit

Mina lara bakal ilang sirna

29.
Ruwat dhusun gawe rejo

Akeh kanca nggowo rejeki

Rakyat makmur tugase negoro

Bondo setitik kudu gemati

30. 
Kuning gading warnane paksi

Paksi garudo lambang negoro

Angkoro murka palahe raseksi

Raseksi siji gawe sengsoro

31

Ngindik wengi ketemu meteor

Meteor wetan bakal nggegirisi

Ngenger urip andap asor

Arep metu kudu permisi

32

Keluk lintang arane nebula

Planet bumi cacahing siji

Isa Al Masih sang gembala

Kirim warta menyang bumi

33

Lintang kemukus muncul ing wetan

Planet mars sumunar wayah isuk

Ngedum banyu ojo gegeran

Sumber banyu ndang dikeduk

34

Plesiran netro menyang Orion

Rasi Orion paling misuwur

Yen langit tipis ozon

Mundak bumi bakal ajur

35

Kumpulan lintang Ursa Mayor

Numpak kapsul jajah jagad

Sirah mumet nganti kopyor

Amergo bojo njaluk pegad

36

Lintang njeblug arane supernova

Bantal guling gawe kelonan

Yen gunung metune lava

Enggal podo golek keslametan

37

Jagad raya ombo lan endah

Metu wengi nyawang lintang

Anak tingkah bapak kepradah

Amergo nakal santune ilang

38

Lengireng susuhing materi alam

Luguring apel amergo gravitasi

Konco teko nggowo salam

Dasamuko lungo ojo ditangisi

39

Jeblug gede awal kaciptane jagad

Jagad cilik kudu diopeni

Yen wong morale bejad

Gawe rusak ono ing bumi